बर्दिया । बर्दिया क्षेत्र नं १ मा सत्ता गठबन्धनबाट नेपाली कांग्रेसका उम्मेदवार सञ्जयकुमार गौतम विजयी भएका छन् । उनले निकटतम प्रतिस्पर्धी नेकपा एमालेका लक्ष्मणराज ज्ञवालीलाई चार हजार चार सय ५६ मतान्तरले पराजित गरेका हुन् ।
गौतमले ३० हजार छ सय ११ मत प्राप्त गरेका छन् भने ज्ञवालीले २६ हजार एक सय ५५ मत प्राप्त गरे । नागरिक उन्मुक्ति पार्टीमा ठनकुरसिंह थारुले २३ हजार ९९३ मत प्राप्त गरेका थिए ।
बर्दिया १ मा एक लाख ६२ हजार छ सय ६२ मतदाता रहेकामा एक लाख चार हजार चार सय दुई जनाले मतदान गरेका थिए । ६ हजार चार सय २१ मत बदर भएको थियो ।
प्रतिक्रिया