बुटवल । रुपन्देहीको सियारी गाउँपालिकाले अति विपन्न परिवारलाई आयआर्जनमा सहयोग गर्ने उद्देश्यले कुखुराको खोर निर्माण गरिदिने र कुखुरा वितरण गर्ने भएको छ ।
मुख्यमन्त्री ग्रामीण विकास कार्यक्रम अन्तर्गत सियारी गाउँपालिका वडा नं.३ को सियारी टोलका २५ घरपरिवारलाई पालिकाले प्रति परिवार एउटा कुखुराको खोर र ३० वटा लोक्कल कुखुरा वितरण गर्ने भएको छ । गांउपालिकाले कुखुरा पालनका लागि कम्तीमा २ महिना पुग्ने कुखुराको दाना समेत उपलब्ध गराउने भएको छ ।
मुख्यमन्त्री ग्रामीण बिकास कार्यक्रमले गरिव परिवारलाई घरखर्च चलाउन तथा बालबालिकाहरुको पढाईमा थप मद्दत मिल्ने गाउँपालिका अध्यक्ष अयोध्या थारुले बताए । उनले भने– “गरिव परिवारको आर्थिक समृद्धिका लागि पालिकाले विभिन्न कार्यक्रम गर्दै आएको छ ।”
कुखुराको खोर र कुखुरा बितरणको बजेट भने मुख्यमन्त्री ग्रामीण बिकास कार्यक्रम अन्तर्गत प्रदेश सरकारले सहयोग गरेको हो । र्काक्रमका लागि प्रदेश सरकारले पाँच लाख सहयोग गरेको उनले जानकारी दिए ।
प्रतिक्रिया