खजुरा । अत्याधिक चिसो बढेपछि बाँकेको खजुरा गाँउपालिकाले पालिकाका बिभिन्न वडाहरुमा काठमा मुढा उपलब्ध गराउन थालेको छ । बाँकेको खजुरा गाउँपालिकाले बढ्दै गरेको चिसोलाई मध्यनजर गर्दै सबै वडाको चोकचोकमा काठमो मुढा उपलब्ध गराएको हो ।
प्रत्येक वडाका पायक पर्ने स्थानहरुमा आगो बाल्ने प्रयोजनका लागि मुढा उपलब्ध गराउने तयारी गरिएको खजुरा गाउँपालिकाका प्रमुख प्रशासकीय अधिकृत नृपराज उपाध्यायले जानकारी दिए । गाउँपालिकाले डिभिजन वन कार्यालयको आपूर्ति समितिबाट दाउरा मुढा ल्याएर वितरण थालिएको उनले बताए ।
भोलि सम्म खजुराका ८ वटै वडाभित्र ठाउँठाउँमा दाउरा मुढा पुगिसक्ने गाउँपालिकाका उपाध्यक्ष मन्जु मल्लले जानकारी दिइन् । सबै वडाको चोकचोकमा र बढी भिडभाड हुने ठाउँहरुमा भोलि सम्म दाउरा वितरण गरि सकिने उनले बताइन् ।
एक्कासी अत्याधिक चिसो बढेपछि बाँके जिल्ला बासीहरुकोे जनजीवन कष्टकर बनेको छ ।
शीत लहरसँगै चिसो बढेपछि जिल्लामा शीतलहरका कारण गर्भवती, सुत्केरी महिला, नबजात शिशु, बालबालिका बिरामी र असक्त जेष्ठ नागरिकहरु बढी प्रभाबित भएका छन् ।
चिसो बढेपछि जिल्लाको विद्यालयहरुमा विद्यार्थी संख्यामा कमि आएकोे छ भने बजार पसलमा मानिसहरुको चहल पहल पनि घटेको छ । अहिले चिसो बाट बच्नको लागी चोक चोक तथा टोलटोलमा मुढा दाउरा र परालको आगो बाली आगो ताप्ने गरेका छन ।
जाडोकै कारण खजुरा गाँउपालिकाले पालिकामा संचालनमा रहेका बिद्यालयहरुमा ३ दिन बिदा दिइसकेको छ ।
प्रतिक्रिया