भारतीय विदेशसचिव विनयमोहन क्वात्रा काठमाडौंमा

काठमाडौं । भारतीय विदेश सचिव विनयमोहन क्वात्रा काठमाडौं आइपुगेका छन् ।

परराष्ट्र सचिव भरतराज पौड्यालको निमन्त्रणामा दुई दिने औपचारिक भ्रमणमा क्रममा क्वात्रा काठमाडौं आइपुगेका हुन् ।

द्विपक्षीय परराष्ट्र सचिवस्तरीय संयन्त्रको बैठकमा भाग लिन उनी नेपाल आएका हुन् । नेपाली समकक्षी पौड्याल नेतृत्वको टोलीसँग क्वात्राले वार्ता गर्नेछन् । क्वात्राले परराष्ट्रमन्त्री विमला पौड्याल राईसँग पनि शिष्टाचार भेटवार्ता गर्ने कार्यक्रम छ ।

यस्तै क्वात्राले प्रधानमन्त्री पुष्पकमल दाहाल प्रचण्ड, कांग्रेस सभापति शेरबहादुर देउवा र एमाले अध्यक्ष केपी शर्मा ओलीसँग पनि राजनीतिक भेटवार्ता गर्ने कार्यक्रम रहेको छ । क्वात्राले प्रधानमन्त्री प्रचण्डलाई भारत भ्रमणको निम्तो दिने बताइएको छ ।