पाल्पाको अघाहाखोलामा पहिरो खस्यो, सिद्धार्थ राजमार्ग बिहान देखि अवरुद्ध

बुटवल । पाल्पा माथागठी गाउँपालिका वडा नं. १ अघाहाखोलामा पहिरो खसेपछि सिद्धार्थ राजमार्ग अवरुद्ध भएको छ ।

अबिरल वर्षाका कारण पहिरो गएपछि बुटवलबाट पोखरा, गुल्मी पाल्पा, स्याङ्जा लगायतका जिल्लाका लागि छुटेका मालबाहक सवारी साधन तथा बुटवल आउंदै गरेका निजी तथा मालबाहक सवारी साधनहरु बाटोमा रोकिएकाछन् ।

निरन्तर वर्षा भईरहेकाले बाटो खुलाउने प्रयास अगाडी बढ्न नसकेको प्रदेश ५ ट्राफिक प्रहरी कार्यालय बुटवलले जनाएको छ ।