जनकपुर । नेपाली पुरूषसँग विवाह गर्ने विदेशी महिलाले विवाह गरेको ७ वर्षपछि मात्र अंगीकृत नागरिकता दिने निर्णयप्रति मधेशमा असन्तुष्टि बढिरहेको छ ।
निर्णयको विरोधमा सोमबार साँझ जनकपुरमा प्रधानमन्त्री केपी शर्मा ओलीको पुत्ला दहन भएको छ ।
सत्तारूढ नेपाल कम्युनिष्ट पार्टी नेकपाले नागरिकता विधेयक अघि बढाउन सहमति दिएपछि संसदको राज्यव्यवस्था तथा सुशासन समितिले विधेयकलाई बहुमतले पारित गरेको थियो ।
जनता समाजवादी पार्टी निकट महिला र युवाले स्थानीय भानु चोकमा प्रधानमन्त्री ओलीको पुत्ला जलाएका हुन् । त्यसक्रममा उनीहरूले प्रधानमन्त्री ओली र नेकपाको विरोधमा चर्को नारावाजी पनि गरेका थिए । पुत्ला जलाइसकेपछि प्रहरीले पुगेको थियो ।
भारतसँगको रोटीबेटीको सम्बन्धमा दरार उत्पन्न गरेको उनीहरूको आरोप थियो ।
प्रतिक्रिया