नेपालगन्ज । बाँकेको कोहलपुरमा ठुलो परिमाणमा लागुऔषध ब्राउनसुगर सहित ३ जना युवान पक्राउ परेका छन् । कोहलपुर प्रहरीले एक सय १६ ग्राम ब्राउनसुगरसहित तीन जनालाई पक्राउ गरेको हो ।
बर्दिया बढैयाताल गाउँपालिकाका वडा नं. ७ का विशालसिंह ठकुरी र विक्रमसिंह ठकुरी तथा कोहलपुर नगरपालिका वडा नं. ११ का निर्जन ढकाललाई ब्राउनसुगरसहित पक्राउ गरिएको इलाका प्रहरी कार्यालय, कोहलपुरका प्रमुख डीएसपी सुन्दर तिवारीले जानकारी दिए।
प्रहरीले उनीहरुको साथबाट भे १३ प २७३ नम्बरको मोटरसाइकल, नौ हजार आठ सय रुपैयासमेत बरामद गरेको छ । उनीहरुले बर्दियाको सीमामा पर्ने भारतको बलैगाउँबाट ब्राउनसुगर ल्याएको प्रहरीले बताएको छ ।
प्रतिक्रिया