काठमाडौं । प्रतिनिधिसभा बैठकमा सांसदहरुले भ्रष्टाचारका सबै प्रकरणमा छानबिन गर्नुपर्ने माग गरेका छन् ।
प्रतिनिधिसभाको दोस्रो अधिवेशनको आइतबार बसेको पहिलो बैठकमा सांसदद्वय प्रेम सुवाल र अमरेशकुमार सिंहले भ्रष्टाचारका सबै प्रकरणमा छानबिन गर्नुपर्ने बताएका हुन् ।
हालसम्म देशमा भएका र समाचारमा आएका भ्रष्टाचारका प्रकरणमा छानबिन गरेर दोषीमाथि कारबाही गर्नुपर्ने उनीहरुले माग गरे ।
नेपालीलाई नक्कली भुटानी शरणार्थी बनाएर अमेरिका पठाउन भएका ठगीसहितका भ्रष्टाचारका प्रकरण छानबिन गर्न उनीहरुले माग गरे ।
कार्यव्यवस्था परामर्श समितिमा विशेष समय नदिने सहमति भएपनि सभामुख देवराज घिमिरेले भटाभट प्रमुख प्रतिपक्षी एमालेका सांसदहरुलाई मात्र समय दिन थालेपछि सत्ता पक्षका सांसदहरुले आपत्ति जनाएका थिए । त्यसपछि सभामुख घिमिरेले समय माग गर्ने सबै दलका सांसदहरुलाई समय दिन थालेका छन् ।
प्रतिक्रिया