काठमाडौं । राष्ट्रिय स्वतन्त्र पार्टीका सभापति रवि लामिछाने विरुद्ध सर्वोच्च अदालतमा मुद्दा दर्ता भएको छ ।
युवराज पौडेलले लामिछानेको प्रतिनिधिसभा सदस्य पद खारेजीको मागसहित दिएको रिट निवेदन सर्वोच्च अदालतमा आज दर्ता भएको हो । उक्त रिट निवेदनमाथि जेठ १७ गते सुनुवाइ हुनेभएको छ ।
रिट निवेदक पौडेलले लामिछानेको प्रतिनिधिसभा सदस्य पद खारेज गर्ने आदेशको माग गरेका छन् ।
रिट निवेदनमा लामिछानेसँगै निर्वाचन आयोग, जिल्ला प्रशासन कार्यालय काठमाडौं, प्रतिनिधिसभा, काठमाडौंका सहायक प्रमुख जिल्ला अधिकारी रवीन्द्रप्रसाद आचार्यलाई विपक्षी बनाइएको छ ।
प्रतिक्रिया