काठमाडौं । सभामुख देवराज घिमिरेले पशुपतिनाथको जलहरीमा भ्रष्टाचार भएको अभिव्यक्ति संसद्को रेकर्डबाट हटाउन निर्देशन दिएका छन् ।
प्रतिनिधिसभाको आज बसेको बैठकमा सभामुख देवराज घिमिरेले यही जेठ १० गते नेपाल सरकारको वार्षिक नीति तथा कार्यक्रममाथिको छलफलमा भाग लिने क्रममा सांसद लेखनाथ दाहालले गरेको सम्बोधनभित्रबाट जलहरीमा भएको भ्रष्टाचारबारेको रेकर्ड हटाउन निर्देशन दिएका हुन् ।
दाहालको सम्बोधनमा ‘स्वास्थ्य सामग्रीको दुई अर्बको भ्रष्टाचार र पशुपतिनाथको जलहरी लगाउँदा सुन भनेर पित्तल लगाएर गरेको भ्रष्टाचारहरू’ भन्ने शब्द रहेको थियो ।
प्रमुख प्रतिपक्ष नेकपा एमालेले जलहरीमा भ्रष्टाचार नभएको दाबी गर्दै आफ्ना अध्यक्षलाई मुछ्ने अभिव्यक्ति हटाउन माग गर्दै हिजो संसद अवरुद्ध गरेको थियो ।
प्रतिक्रिया