नेपालगन्ज । बाँके जिल्लामा सरुवा भएर पुगेका नयाँ प्रशासन प्रमुख प्रमुख जिल्ला अधिकारी र नयाँ प्रहरी प्रमुख प्रहरी उपरिक्षकलाई नेपाल आदिवासी जनजाती पत्रकार महासंघ (फोनिज) बाँके शाखाले स्वागत गरेको छ ।
जिल्ला प्रशासन कार्यालय बाँकेमा एक महिना अघि सरुवा भइ आएका प्रमुख जिल्ला अधिकारी रामबहादुर कुरुम्बाङ र जिल्ला प्रहरी कार्यालय बाँकेमा १५ दिन अघि सरुवा भइ आएका प्रहरी प्रमुख प्रहरी उपरीक्षक ओमबहादुर रानालाई फोनिज बाँकेले आइतबार स्वागत गरेको हो ।
प्रजिअ कुरुम्बाङ र प्रहरी प्रमुख रानालाई फोनिज ५ नम्बर प्रदेशका महासचिव गजेन्द्र गुरुङ, फोनिज बाँकेका संस्थापक सदस्य तथा सल्लाहकार पुर्णलाल चुके, जिल्ला अध्यक्ष समिरमान श्रेष्ठ, नेपाल पत्रकार महासंघ बाँके शाखाका अध्यक्ष ठाकुर सिंह थारु लगायतले फुलका गुच्छा र खादा दोसल्ला ओढाएर स्वागत गरेका थिए ।
फोनिज बाँकेका अध्यक्ष समिरमान श्रेष्ठको अध्यक्षतामा सम्पन्न सो स्वागत कार्यक्रममा फोनिज बाँकेका कोषाध्यक्ष सोम गुरुङले स्वागत मन्तव्य राखेका थिए भने, सचिब भगतराम थारुले कार्यक्रम संचालन गरेका थिए ।
बाँकेमा पहिलो पटक प्रशासन र प्रहरी प्रमुख एकै पटक आदीबासी जनजाती समुदायबाट सरुवा भएर गएका हुन् ।
प्रतिक्रिया