बुटवल । अवरुद्ध भएको सिद्धार्थ राजमार्गको बुटवल-पाल्पा सडक खण्ड एकतर्फी रुपमा सञ्चालनमा आएको छ ।
राजमार्गको बुटवल-पाल्पा सडकखण्डको तिनाउ गाउँपालिका-३ दोभानस्थित हेडबक्स नजिकै खसेको पहिरो पन्छाएपछि एकतर्फी रुपमा सवारी आवागमन सुरु भएको हो ।
सिद्धार्थ राजमार्ग अन्तर्गत सिद्धबाबा नजिकै निर्माणाधिन सिद्धबाबा सुरुङमार्गको प्रारम्भिक बिन्दुको माथिबाट पहिरो खसेको थियो । रातिदेखि नै ढुंगासहितको पहिरोले अवरुद्ध भएको सडक एकतर्फी रुपमा खुलाएर सवारी आवागमन सुरु गरिएको दोभान प्रहरी चौकीका सइ कमल थापाले जानकारी दिए ।
हाललाई रोकिएका सवारी पास गरेर दुईतर्फी सडक खुलाउने प्रयास भइरहेको छ । पुन: पानी नपरेमा दिउँसोसम्म पूर्णरूपमा सवारी संचालन हुने थापाले बताए ।
प्रतिक्रिया