इराकमा ट्रकसँग बस ठोक्किदा ९ इरानी तिर्थयात्रीको मृत्यु

इराक । इराकको दक्षिणी सहर नासिरियामा ट्रकसँग बस ठोक्किँदा ९ इरानी तीर्थयात्रीको मृत्यु भएको छ ।

समाचार अनुसार यस भयानक दुर्घटनामा दर्जनौं व्यक्ति घाइते भएका छन् । इरानमा बसोबास गर्ने यी सबै तीर्थयात्रीहरू बसमा शिया मुस्लिमहरूको पवित्र सहर कर्बला जाँदै थिए ।

सो क्रममा यात्रुले भरिएको बस ट्रकसँग ठोक्किएको थियो । सो घटनामा महिला र बालबालिका सहित ३१ जना घाइते भएका छन् भने घाइतेमध्ये पाँच जनाको अवस्था गम्भीर छ ।