पेट्रोलियम पदार्थको मूल्यवृद्धि फिर्ता गर्ने सरकारको निर्णय

काठमाडौं । सरकारले पेट्रोलियम पदार्थको मूल्यवृद्धि फिर्ता लिएको छ ।

मन्त्रिपरिषद्को आज बसेको आकस्मिक बैठकले नेपाल आयल निगमले शनिबार रातिदेखि लागुगरेको मूल्यवृद्धि फिर्ता गर्ने निर्णय गरेको हो ।

बैठकले मूल्यवृद्धि फिर्ता लिन आयल निगमलाई निर्देशन दिएको छ । अब निगमले विज्ञप्ति नै जारी गरेर पुरानै मूल्य निर्धारण गर्ने कानूनमन्त्री धनराज गुरुङले जानकारी दिएका छन् ।

नेपाल आयाल निगमले शनिबार पेट्रोल र डिजलमा प्रतिलिटर रु छ, मट्टितेलमा प्रतिलिटर रु दुई, हवाई इन्धन आन्तरिक र अन्तर्राष्ट्रिय दुवैमा प्रतिलिटर रु आठ बढाएको थियो । साथै एलपी ग्यासमा प्रतिसिलिण्डर रु दुई सय १५ बढाउने निर्णय गरेको थियो ।