गुल्मी । गुल्मीको शान्तिपुरमा एक किशोरीको नग्न अवस्थामा शव फेला परेको छ । शान्तिपुर स्थित स्थानीय उदय मावि अगाडिको झोलोङ्गे पुल मुनि खोलामा नग्न अवस्थामा किशोरीको शव फेला परेको प्रहरीले जनाएको छ ।
जिल्ला प्रहरी प्रवक्ता प्रहरी नायव उपरीक्षक डिल्लिनारायण पाण्डेले शव फेला परेको जानकारी प्राप्त भएको बताउँदै त्यस तर्फ गुल्मी प्रहरी प्रमुख एसपी नबिनकिशोर प्रधान आफै प्रस्थान गरेको जानकारी दिए ।
मृत फेला शव स्थानीयले चन्द्रकोट गाउँपालिका ४ घर भई शान्तिपुर बजारको श्रीलंकाटोल बस्दै आएकी १५ वषीया किशोरीको भएको स्थानीयले बताएका छन् । शवको बारेमा प्रहरीले भने अनुसन्धान जारी रहेको भन्दै नाम खुलाएको छैन ।
मृतक किशोरी स्थानी विद्यालयमा ९ कक्षामा अध्यनरत मनिषा रुचाल भएको चन्द्रकोट गाउँपालिका अध्यक्ष युवराज केसीले पुष्टि गरे । उनका अनुसार मृतक किहोरी बिहीबार दिउँसो करिव २ बजेसम्म खेतमा काम गरेको, त्यस यता सम्पर्कविहिन थिईन ।
प्रतिक्रिया