बुटवल । ३८ औं वीपी स्मृति दिवसको उपलक्ष्यमा वीपी विचार समाज बुटवलउपमहानगर समितिद्धारा १ हजार थान मास्क वितरण गरिएको छ ।
बुटवलको राजमार्ग चौराहामा सोमवार विहान आयोजना गरिएको मास्क वितरण कार्यले कोभिड-१९ बाट बच्नका लागि अनिवार्य मास्क प्रयोग गर्न भौतिक दुरी कायम गरि काम व्यवहार चलाउन र सावुन पानीले अनिवार्य पटक पटक हात धुने विषयलाई आत्म साथ गर्नका लागि कार्यक्रममा सहभागिहरुले जोड दिएका थिए ।
सडक यात्रु, पैदल यात्रु सुरक्षा कर्मीलाई मास्क प्रदान गरिएको वीपी विचार समाज बुटवलउपमहानगर समितिका अध्यक्ष नारायण अधिकारीले बताए ।
कार्यक्रममा नेपाली काँग्रेस रुपन्देहीका सचिव रामकृष्ण खाँण र वीपी विचार समाजका उपाध्यक्ष जाकिर हुसेनले कोभिड-१९ ले पारेको प्रभावले आम नागरिकमा त्रास कायमै रहेकोले उक्त माहामारीवाट बच्ने उपायहरुलाई आत्म साथ गर्न आह्वान गरेको सचिव जय प्रकाश भट्रराईले बताए ।
प्रतिक्रिया