खजुरा । बाँकेको खजुरामा करेन्ट लागेर एक जनाको मृत्यु भएको छ । खजुरा १ मा रहेको माछापोखरीमा छाडेको करेन्ट लागेर खजुरा गाउँपालिका वडा नम्बर १ का सविन रानाको मृत्यु भएको हो ।
स्थानीय पूर्ण लम्सालले आफ्नो माछापोखरीमा छाडेको करेन्ट लागि रानाको मृत्यु भएको प्रहरीले जनाएको छ । प्रहरीका अनुसार लम्सालले माछा चोरी हुने गरेपछि लम्सालले पोखरी वरिपरि करेन्ट फिट गरेका थिए ।
जालसहित पोखरीमा माछा मार्न गएका रानालाई त्यहीँ करेन्ट लागेको हो । रानासंग अर्को एक जना पनि गएको बताइएको छ ।
घटनाकाबारेमा प्रहरीले अनुसन्धान गरिरहेको जनाएको छ ।
प्रतिक्रिया