बुटवल । एक हप्ता लामो भ्रमण कार्यतालिका लिएर रुपन्देही आएका पूर्वराजा ज्ञानेन्द्र शाहले मगलबार बुटवलको कालिकापथ मिलनचोकमा रहेको ड्रिम इन्टरनेश्नल होटलमा २ घण्टा लामो समय बिताएका छन् । लुम्बिनी प्रदेशका विभिन्न धार्मिक तथा पर्यटकीय स्थलको भ्रमण तालिकासहित सोमबार रुपन्देही आइपुगेका शाह परिवारसहित भैरहवा बसेपनी खाना खान बुटवलमा आएका हुन् ।
यहाँका सुरक्षा निकायहरुलाई समेत जानकारी नै नदिई दिउँसो १२ बजे बुटवल आइपुगेका शाह परिवार २ बजेपछि मात्रै भैरहवा फर्केको थियो । भिडभाड र सुरक्षा झमेलाभन्दा टाढा रहेर शान्त वातावरणमा व्यतित गर्ने चाहना अनुसार यहाँका सुरक्षा निकायहरुलाई समेत जानकारी नदिई पूर्वराजा बुटवलमा आएको उनको सचिवालयले जानकारी दियो । यद्यपि पूर्व राजा आएको आधा घण्टापछि मात्रै यहाँका सुरक्षा निकाय खटिन आएको थियो ।
पूर्वराजा शाहले भैरहवालाई मुकाम बनाएर लुम्बिनी प्रदेशका रुपन्देहीका साथै कपिलवस्तु, नवलपरासी लगायतका जिल्लाका धार्मिकस्थलको अवलोकन गर्ने बताइएको छ ।
उनको भ्रमण तालिका र सार्वजनिक गरिएको छैन । उनी १९ गतेसम्म बस्ने कार्यक्रम रहेको बताइएको छ । पूर्वराजा शाह पत्नी कोमल राज्य लक्ष्मी देवी शाहसहित परिवारका साथ धार्मिक कार्यक्रममा लागि रुपन्देही आएका हुन् ।
प्रतिक्रिया