बुटवल । ट्राफिक ब्यवस्थापन सुधार गर्न संघसंस्थाहरुसंग सहकार्य गरि अघि बढ्ने ५ नम्बर प्रदेश ट्राफिक प्रहरी कार्यालयका प्रहरी उपरिक्षक डम्बर बहादुर विश्वकर्माले बताएका छन ।
प्रदेश पाचको राजधानी रुपन्देहीसहित प्रदेशमा लकडाउनको अवधिमा समेत धेरै दुर्घटना बढ्नु चिन्ताजनक भएको भन्दै दुर्घटना न्युनिकरणमा सबै लाग्नुपर्ने उनले बताए । लकडाउन अवधिमा ४ सय ३१ सवारीबाट ३ सय २७ दुर्घटनाको भएको र जसमा ९६ जना मानिसको मृत्यु तथा ४ सय ५५ जना घाईते भएको उनले बताए ।
रोटरी क्लब अफ तिलोत्तमा रुपन्देहीको ४ सय ३२ नियमित बैठक तथा अन्तरक्रिया कार्यक्रममा बोल्दै उनले ट्राफिक प्रहरीसंगै सरोकारवालाहरु यस विषयमा संवेदशसिल हुनुपर्ने बताए ।
क्लबका अध्यक्ष गोपाल ज्ञवालीले कोभिड–१९ बिरुद्ध आम नागरिकलाई सचेतना जगाउने काममा संघसंस्थाहरु लाग्नुपर्ने बताए । लकडाउन खुलेसंगै अब दुरी कायम र मास्क प्रयोगलाई ध्यान दिनुपर्ने उनले बताए । ट्राफिक प्रहरीमार्फत आम नागरिकलाई सचेतना जगाउन ५ सय थान मास्क ५ नम्बर प्रदेश ट्राफिक प्रहरी कार्यालयका प्रहरी उपरिक्षक डम्बर बहादुर विश्वकर्मालाई क्लबका अध्यक्ष ज्ञवालीले हस्तान्तरण गरेका छन ।
कार्यक्रममा पुर्वअध्यक्ष बालकृष्ण अर्याल, नबिन श्रेष्ठ, सम्मानित सदस्य भुवनसिह विश्वकर्मा, पत्रकार दामोदर खनालले दुर्घटना न्युनिकरणका लागि नया योजना ल्याउने सुझाव दिएका थिए ।
प्रतिक्रिया