काठमाडौं । रु एक लाख पुरस्कार राशीको ‘रोटरी लाइफ टाइम एचिभमेन्ट अवार्ड’ पत्रकार भैरव रिसाललाई प्रदान गरिएको छ ।
रोटरी इन्टरनेशनल डिस्ट्रिक्ट ३२९२ को स्थापना दिवसका अवसरमा आज पत्रकार रिसालसँगै सातवटा विविध क्षेत्रमा कलम चलाउँदै आएका पत्रकारलाई पुरस्कृत गरिएको छ ।
स्वतन्त्र लेखनीतर्फ रामु सापकोटा, आर्थिक तथा सामुदायिक विकासतर्फ अमर सुनार, खानेपानी तथा सरसफाइतर्फ तिलक तिवारी, सुरक्षित मातृत्व र बाल स्वास्थ्य विषयमा वसन्तप्रताप सिंह, आधारभूत शिक्षा तथा साक्षरतातर्फ विद्या राई, रोग रोकथाम तथा उपचार विषयमा स्वस्तिक श्रेष्ठ र शान्ति तथा द्वन्द्व व्यवस्थापनतर्फ टङ्क पन्तलाई ‘रोटरी जर्नो अवार्ड’ प्रदान गरिएको हो । पुरस्कृत हुनेले जनही रु ५१ हजार प्राप्त गरेका छन् ।
रोटरी डिस्ट्रिक्ट ३२९२ का डिस्ट्रिक्ट गभर्नर राजेन्द्र धोजु, अवार्ड समितिका निमित्त अध्यक्ष वरिष्ठ पत्रकार नम्रता शर्माको अध्यक्षतामा पुरस्कार वितरण गरिएको थियो ।
प्रतिक्रिया