काठमाडौं । कोरियाली रोजगार अनुमति प्रणाली परीक्षा (ईपीएस)मा सहभागी नगराएको भन्दै भाषा सिकेका युवाले ललितपुरस्थित चक्रपथमा आगजनी र तोडफोडमा उत्रिएका छन् ।
प्रदर्शनमा उत्रिएका युवाको समुहले ललितपुरको बालकुमारीमा भौतिक पूर्वाधार तथा योजना मन्त्री प्रकाश ज्वालाको बा २ झ ५८६१ नं.को गाडीमा आगजनी गरेका छन् । उनीहरुले मन्त्री र पीएसओलाई गाडीबाट जबरजस्ती बाहिर निकालेर आगो लगाएका हुन् ।
जहाज निर्माणसम्बन्धी कामका लागि भाषा परीक्षा अनुत्तीर्ण भएका युवाको समुहले आफूहरूलाई उत्पादनमूलक क्षेत्रको भाषा परीक्षामा सहभागी गराउन माग गर्दै प्रदर्शन गरेका हुन् ।
प्रदर्शनकारीले सडक पनि अवरुद्ध पार्दै आक्रोशित रुपमा नारावाजी गरेका कारण बालकुमारी क्षेत्र तनावग्रस्त बनेको छ ।
प्रतिक्रिया