तिलोत्तमा ५ मा निशुल्क स्वास्थ्य शिविर शुरु

तिलोत्तमा । तिलोत्तमा नगरपालिका एवं आधारभूत स्वास्थ्य चौकी तिलोत्तमा वडा न ५ को आयोजनामा निशुल्क स्वास्थ्य शिबिर शुरु भएको छ ।

जेष्ठ नागरिक एवं अपाङ्गता लक्षित स्वास्थ्य शिबिर आगामी माघ २६ गतेसम्म संचालन हुने वडा सदस्य हिरा गिरि डायमण्डले जानकारी दिए । शिबिरको बुधबार एक कार्यक्रमका बीच उद्घघाटन गर्दै तिलोत्तमा वडा न ५ का अध्यक्ष रमेश डुम्रेले अबको १० दिनसम्म टोल टोलमा पुगेर असक्त, असहाय, जेष्ठ नागरिक एवं अपाङ्गता भएका वडाबासीको उपचार गरिने बताए ।

सरस्वती टोलस्थित सरस्वति पन्चायतन मन्दिरमा आयोजित शिबिर उद्घघाटन कार्यक्रममा बोल्दै आधारभूत स्वास्थ्य चौकी इन्चार्ज गणेश प्रसाद भण्डारीले शिविरमा प्रेसर सुगर लगायत विभिन्न सरुवा तथा नसर्ने रोगहरुको परिक्षण गरिने जनाए ।

भण्डारीले चेकजाँचका साथै औषधि समेत वितरण गरिने भएकाले पुन्यको काममा सरिक हुन वडावासीलाई आग्रह गरेका छन । सो अवसरमा तिलोत्तमा वडा न ५ का अध्यक्ष रमेश डुम्रे, वडा सदस्यहरु हिरा गिरि डायमण्ड, हरि पन्त, आधारभूत स्वास्थ्य चौकी इन्चार्ज गणेश प्रसाद भण्डारी, शान्ति नमुना माविका प्रअ कुल प्रसाद लामिछाने, तिलोत्तमा नगरपालिका सामाजिक बिकाश शाखाका सम्झना भण्डारी, सरस्वति टोल बिकाश संस्थाका अध्यक्ष डिल्लीराज पाण्डे, ग्रेस फार्मेसीका संचालक सुरज भट्टराई लगायतको सहभागिता रहेको थियो ।

पहिलो दिन ५० जनाको स्वास्थ्य चेकजाच गरिएको स्वास्थ्य शिबिरमा ग्रेस फार्मेसीले ५० हजार बराबरको निशुल्क मेडिकल सामग्री प्रदान गरेको तिलोत्तमा वडा न ५ को कार्यालयले जनाएको छ ।