काठमाडौं । बिहीबार कोरोना भाइरसका २७४ जना नयाँ संक्रमित थपिएका छन् ।
६ हजार ३०४ जनाको पीसीआर परीक्षण गरिएकोमा २७४ जना संक्रमित थपिएको स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले जानकारी दिए ।
काठमाडौं उपत्यकामा मात्रै ४४ जना संक्रमित थपिएका छन् । जसमध्ये काठमाडौंका मात्रै ४१ जना थपिएका छन् । ललितपुर र भक्तपुरमा दुई दुई जना थपिएका छन् ।
पर्सा जिल्लाका मात्रै ४७ जना संक्रमित थपिएका छन् ।
आजसम्म सक्रिय संक्रमितको संख्या ५ हजार २२७ रहेको छ ।
पछिल्लो २४ घण्टामा २२७ जना संक्रमित डिस्चार्ज भएर घर फर्किएका छन् । हालसम्म डिस्चार्ज हुनेको संख्या १४ हजार २४८ रहेको छ ।
त्यस्तै क्वारेन्टिनमा १३ हजार २०१ जना रहेको मन्त्रालयले जनाएको छ ।
प्रतिक्रिया