काठमाडौं । नेपालस्थित पाकिस्तानी राजदूतावासले हरेकवर्ष आयोजना गर्ने नेपाल पाकिस्तान मैत्री क्रिकेट प्रतियोगिता फागुन १९ गतेबाट हुनेभएको छ ।
फागुन २७ गतेसम्म संचालन हुने सो प्रतियोगितमा १२ टिमले प्रतिस्पर्धा गर्ने पाकिस्तानी दूतावासले जनाएको छ । प्रतियोगितामा नेपालका क्रिकेट क्लब र पाकिस्तानी दूतावासको टोली सहभागी छन् ।
कुल बाह्र टोलीले दुईवटा सेमिफाइनल र एउटा फाइनलमा पुग्ने गरी दुईवटा पूलमा खेल्ने गरी प्रतियोगिताको समीकरण बनाइएको छ ।
हरेक वर्ष आयोजना भैरहेको यो प्रतियोगिता नेपाली क्रिकेट क्लबहरु र फ्यानबीच लोकप्रिय छ । यस प्रतिष्ठित प्रतियोगितामा विगतमा अण्डर १९ र राष्ट्रियस्तरका कैयौं खेलाडीहरूले खेलिसकेका छन् ।
प्रतियोगिताको पहिलो खेल भन्दा पहिले उद्घाटन समारोह आयोजना हुनेछ भने फाइनल खेलपछि समापन समारोह समावेश आयोजना गरिएको छ । प्रतियोगिता काठमाडौंको शंखपार्कस्थित पाकिस्तानी दूतावासको मैदानमा हुनेछ ।
प्रतियोगिताको खेलकुद च्यानल र सोसल मिडिया प्लेटफर्मबाट प्रत्यक्ष प्रसारण हुने जनाइएको छ ।
यस प्रतियोगिताले नेपाल पाकिस्तान सम्बन्धलाई थप मजबुद बनाउने पाकिस्तानी दूतावासले विश्वास गरेको छ ।
प्रतिक्रिया