नेपालगन्ज । बाँके प्रहरीले सिमा सिल भएको बेला पनि भारतबाट अबैध आयात हुँदै गएको ठूलो परिमाणको कपडा र प्रतिबन्धित औषधी बरामद गरेको छ । जिल्ल प्रहरी कार्यालयबाट खटिएको टोलीले नेपालगन्ज उपमहानगरको जमुनाहबाट भारतबाट अवैध रुपमा ल्याउदै गरेको ठूलो परिमाणको कपडा बरामद गरेको हो ।
प्रहरीले बरामद गरेको कपडामा कुर्ता ५०० पिस, टिसर्ट १०० पिस तथा कुर्ता सुरुवाल २०० पिस रहेको प्रहरीले जनाएको छ ।
बरामद कपडाहरुलाई नियन्त्रणमा लिई आवश्यक कारवाहीको लागि नेपालगन्ज भन्सार कार्यालय पठाईएको प्रहरीले जनाएको छ ।
सिमा सिल भएको अवस्थामा सिमा पारी एसएसबी र सिमा वारी सिमा प्रहरी कार्यालय छिचोल्दै जमुनाहा गाँउ सम्म सामान पुगेको पाइएको छ ।
अवैध सामान भित्रनुमा सिमामा रहेको दुबै तर्फका सुरक्षाकर्मीहरुको सलोमतो रहेको व्यवसायीले बताएका छन् ।
बाँके प्रहरीले आजै नेपालमा प्रतिबन्धित कोरेक्स औषधीसहित ३ जनालाई पनि नियन्त्रणमा लिएको छ ।
जिल्ला प्रहरी कार्यालय बाँकेले जानकारी दिए अनुसार बाँकेको डुडुवाबाट २६ सि सि प्रतिबन्धित कोरेक्स सहित स्थानीय अर्जुन चौहान, कल्लु चौहान र भारत जिल्ला बहराईच बर्गदाह बस्ने अजय बर्मालाई पक्राउ गरेको छ । उनीहरुलाई लागु औषध ऐन बमोजिम कारवाही हुने प्रहरीले जनाएको छ ।
बिगत ३ दिन देखि हरेक दिन भारतीय सिमा हुँदै लागु औषध ओसार्नेहरुलाई प्रहरीले नियन्त्रण गर्दै आएको छ । बिहिबार र शुक्रबार भारत हुँदै ब्राउन सुगर भित्राउँदै गरेका युवा समातिएका थिए ।
प्रतिक्रिया