काठमाडौं। काठमाडौंमा तीन दिने नेपाल–भारत संस्कृत सम्मेलन हुने भएको छ ।
आगामी चैत १४ देखि १६ गतेसम्म सो सम्मेलन हुनेछ । सम्मेलन बुढानिलकण्ठमा हुनेछ ।
नेपाल भारत अन्तराष्ट्रिय संस्कृत सम्मेलनमा नेपाल र भारतका संस्कृतका विज्ञ, जानकारहरू उपस्थिति रहने छ ।
नेपाल र भारतको विकासमा संस्कृतको योगदान, दुवै देशका सांस्कृतिक, आध्यात्मिक र बौद्दिक बिकासको बिशिष्ट अध्ययन गरिने संयोजक प्रेमराज न्यौपानेले जानकारी दिएका छन् । ‘नेपाल र भारतका संस्कृतका बिद्दानहरूले आआफ्नो कार्यपत्र प्रस्तुत गर्नेछन भने संस्कृत भाषाको उत्थान र प्रचारमा र सो भाषाको बैज्ञानिक पक्षका बारेमा जानकारी दिने कार्य गरिनेछ’, न्यौपानेले भने ।
नीति प्रतिष्ठान नेपाल, केन्द्रीय संस्कृत विश्वविधालय, नयाँदिल्ली र इन्डिया फाउन्डेसनसहित तीन संस्थाको आयोजनामा उक्त कार्यक्रम हुन लागेको हो ।
यसअघि नेपालमा २०२४ सालमा, २०५१ साल, २०७५ र २०७६ सालमा यस्ता सम्मेलन भइसकेको छ ।
प्रतिक्रिया