धनगढी । सुदूरपश्चिम प्रदेशका मुख्यमन्त्री दीर्घबहादुर सोडारीले यही वैशाख २१ गते विश्वासको मत लिने भएका छन् ।
मुख्यमन्त्री तथा मन्त्रिपरिषद्को कार्यालयमा मंगलबार बिहान बसेको सत्तारुढ गठबन्धनका दलहरुको बैठकमा २१ गते शुक्रबार विश्वासको मत लिने सहमति भएको हो । बैठकले नागरिक उन्मुक्ति पार्टीलाई थप एक मन्त्रालय दिने सहमति पनि गरेको छ । अब नाउपाबाट मन्त्री बन्न ठिक्क परेकी टीका थापाले कृषि तथा सहकारी मन्त्रालय पाउनेछिन् । यसअघि विना विभागीय मन्त्री बनाउन खोजेपछि उनले अस्वीकार गरेकी थिइन ।
बैठकमा मुख्यमन्त्री सोडारी, एमालेको तर्फबाट प्रमुख सचेतक सुरेन्द्र पाल, माओवादी संसदीय दलका नेता मानबहादुर धामी, नागरिक उन्मुक्ति पार्टीका कैलाश चौधरी र टीका थापा र स्वतन्त्र सांसद डा. ताराप्रसाद जोशी सहभागी थिए ।
प्रतिक्रिया