नेपालगञ्ज । बाँके प्रशासनले निषेधाज्ञा उल्लंघन गर्नेलाई केहिबेर क्वारेन्टिनमा राख्ने र जरिवाना गरी छाड्ने रणनीति तय गरेको छ ।
निषेधाज्ञालाई अटेर गरि पसल खोल्ने, रिक्सा चलाउने, घुम्न निस्केने जस्ता कार्यहरु हुन थालेपछि प्रशासनले उल्लंघन गर्नेलाई क्वारेन्टिनमा राख्ने नीति बनाएको हो ।
बिहिबार ११७ जनालाई दिनभरी क्वारेन्टिनमा राखेर सांझ जरिवाना तिराएर छाडिएको थियो भने आज बिहानै बाँके प्रहरीले १३१ जनालाई नेपालगन्जको मेहन्द्र बहुमुखी क्याम्पसमा बनाईएको क्वारेन्टिनमा पु-याईएको छ ।
निषेधाज्ञा उल्लंघन गरेर पसल सञ्चालन गरेका, अटोरिक्सा र मोटरसाइकल चलाएका तथा मास्क नलगाएका व्यक्तिलाई प्रहरीले नियन्त्रणमा लिएर क्वारेन्टिन पठाउने गरेको बाँके प्रहरीले जानकारी दिएको छ ।
बिहिबार बाँकेका प्रमुख जिल्ला अधिकारी रामबहादुर कुरुम्बाङ र एसपी ओमबहादुर राना आफै फिल्डमा खटिएर न्यूरोड, घरबारीटोल लगायत ठाउँमा अत्यावश्यक बाहेकका पसल सञ्चालन गरेका, बजारमा अटोरिक्सा र मोटरसाइकल चलाएका, मास्क नलगाएका एक सय १७ जना र एक सय १४ वटा अटोरिक्सालाई नियन्त्रणमा लिएर जरिवाना गराएका थिए ।
संक्रामक ऐन बमोजिम जरिवना गरेर प्रहरीले उनीहरुबाट २३ हजार एक सय रुपैया राजश्व संकलन भएको थियो ।
शुक्रबार पनि प्रहरीले बिहानै देखि निषेधाज्ञा उल्लंघन गर्नेहरुलाई नियन्त्रण गर्ने तयारीमा जुटेको छ । प्रहरीका अनुसार आज पनि नियन्त्रणमा लिईएका ब्यक्तिहरुलाई महेन्द्र बहुमुखी क्याम्पसको क्वारेन्टिनमा राखिने छ भने अटोरिक्सालाई गणेशमानचोकस्थित निशुल्क लागु औषध परामर्श केन्द्रमा राखिने छ ।
निषेधाज्ञा लगातार उल्लंघन गर्ने कार्य जारी रहे ऐन बमोजिम १४ दिन क्वारेन्टिन वा कैद समेत गर्न सकिने प्रशासनले चेतावनी दिएको छ । बाँकेका प्रजिअ कुरुम्वाङले लगातार उल्लंघन हुँदै गए १४ दिन क्वारेन्टिन राख्न सकिने बताए ।
समुदायमाकोरोना फैलिए पछि बाँकेमा स्थानीय प्रशासनले निषेधाज्ञा जारी गरेको छ ।
प्रतिक्रिया