नेपालगन्ज । प्रहरीले बाँकेका बिभिन्न स्थानबाट मोटरसाईल चोरी गर्नेहरु मध्य ४ वटा मोटरसाईल चोरी गर्ने ५ जनालाई चोरी भएको मोटरसाईकल सहित पक्राउ गरेको छ । फरक फरक मितिमा चोरी भएका ४ थान मोटरसाईल चोरी गर्ने ५ जनालाई प्रहरीले बाँके र बर्दियाका बिभिन्न स्थानबाट पक्राउ गरेको हो ।
गत बैशाख २४ गते नेपालगन्ज -१८ विशालनगरबाट भे १० प ५९९३ नम्बरको पल्सर मोटरसाईकल चोरी गर्न लागेको अवस्थामा जिल्ला बर्दिया बहैयाताल २ बरने निर्मल सुनारलाई रङ्गेहात पक्राउ गरिएको प्रहरीले जनाएको छ । त्यसैगरि गत बैशाख २७ गते नेपालगन्ज-१२ कोरियनपुरबाट चोरी भएको भे ३ प ६०८ नम्बरको सुपर स्प्लेण्डर मोटरसाईकल सोही दिन नेपालगन्ज उप-महानगरपालिका-१० बाट जिल्ला बर्दिया गुलरिया-६ बस्ने मनोज रावतले प्रयोग गरेको अवस्थामा फेलापारी नियन्त्रणमा लिएको बाँके प्रहरी प्रवक्ता डीएसपी नारायण डाँगीले बताए ।
प्रहरीका अनुसार गत २८ गते बिहान ४ बजे जानकी ४ बाट भे ९ प ३४४७ नम्बरको मोटरसाईकल चोरी गरी लु ३४ प ७७७ नम्बरको मोटरसाईकलले तानेर लैजादै गरेको अवस्थामा जिल्ला खजुरा-७ बरने दुइन्क लस्दर श्रीवास्तव र लक्ष्मण हरिजनलाई प्रहरीले पक्राउ गरेको छ । पक्राउ परेका ४ जनालाई चोरी कसूरमा अनुसन्धान एवं कारवाही प्रक्रिया अगाडी चढाईएको डीएसपी डाँगीले बताए ।
चोरी भएको मोटरसाईल तान्न प्रयोग भएको लु ३७ प ७७७ नम्बरको मोटरसाईकलको सवारी धनि हाल सम्म नखुलेको र जो कसैको भए आवश्यक कागज पत्र सहित प्रहरी कार्यालयमा सम्पर्क गर्न प्रहरीले सूचित गरेको छ ।
प्रतिक्रिया