काठमाडौं। आन्तरिक राजश्व बिभागले व्यवसायीहरुको खरिद बिक्रि खाता प्रमाणिकरणको म्याद थप गरेको छ । कोघिड १९ का कारण सजिलै राजश्व कार्यालय पुग्न असहज अवस्था रहेको र छोटो समयावधीका कारण अत्याधिक भिड भएको भन्दै व्यवसायीको आग्रहपछि बिभागले खरिद बिक्री खाता प्रमाणिकरणको म्याद थपेको हो। आन्तरिक राजस्व विभागले व्यवसायीको सहजताको लागि पुस मसान्तसम्म म्याद थप गरेको छ ।
खाता प्रमाणिकरणको म्याद साउन मसान्तसम्म मात्रै तोक्दा राजस्व कार्यालयहरुमा सेवाग्राहीको भिड लाग्ने गरेको थियो भने कतिपय जिल्लाहरुमा निषेधाज्ञा, बन्दाबन्दी जस्ता घोषणाले ब्यवसायीहरुलाई कार्यालय सम्म पुग्न समेत असहज अवस्था रहेको थियो ।
खरिद बिक्री खाता प्रमाणिकरणको लागि व्यवसायीहरुले भदौ र असोजसम्मको म्याद माग गरेपनि विभागले पुससम्म म्याद थप गरेको विभागका उपमहानिर्देशक मुक्तिप्रसाद पाण्डेले जानकारी दिए ।
मूल्य अभिवृद्धि करमा दर्ता भएका करदाताहरुले मूल्य अभिवृद्धि कर ऐन, २०५२ को दफा १६(३०)बमोजिम प्रत्येक वर्ष कर अधिकृतबाट खरिद तथा बिक्री खाता प्रमाणित गराउनु पर्ने कानूनी प्रावधान छ।
यसअघि विभागले मासिक कर विवरण पेश गर्ने करदातालाई श्रावण महिना भित्र तथा चौमासिक कर विवरण पेश गर्ने करदातालाई कार्तिक महिना भित्र खाता प्रमाणित गराउनु पर्ने गरी परिपत्र गरेको थियो।
प्रतिक्रिया