कावासोती । कोरोना भाइरसको संक्रमण बढ्न थालेपछि नवलपरासी पूर्वको सदरमुकाम कावासोती भदौ ६ गतेसम्म लकडाउन गरिएको छ ।
कावासोती नगरपालिकाले बिहीबार विज्ञप्ति जारी गर्दै आजै दिउँसोदेखि भदौ ६ गतेसम्म नगरक्षेत्रमा अत्यावश्यक बाहेका सबै गतिविधिमा रोक लगाएको छ ।
नगरपालिकाले स्वास्थ्य सेवा बाहेकका सबै सरकारी, गैरसरकारी निजी सेवा बन्द गर्न निर्देशन दिएको छ ।
सबै सरकारी, अर्धसरकारी, होटल रेस्टुरेन्ट र अत्याबश्यक बाहेकका अन्य सबै ब्यबसाय बन्द गर्ने निर्णय भएको विज्ञप्तिमा जनाइएको छ ।
मानिसहरुलाई अनाबश्यक हिँडडुल गर्न समेत बन्देज गरिएको छ ।
यसैबीच, जिल्ला प्रशासन कार्यालय नवलपरासी (बर्दघाट सुस्तापूर्व) समेत बिहीबारै विज्ञप्ति जारी गर्दै जिल्लामा भदौ ६ गतेसम्म अत्यावश्यक बाहेकका अन्य काम नगर्न आग्रह गरेको छ ।
प्रशासनले जिल्लाभरका सबै कार्यालयहरूमा जनशक्ति घटाउन, घरमै कर्मचारी राखेर विद्युतीयमाध्यमबाट सेवा दिन आग्रह गरेको छ ।
यस्तै, राति ९ बजेदेखि बिहान ५ बजेसम्म हिँडडुलमा रोक लगाइएको छ भने सवारी पास वितरणमा समेत रोक लागेको छ ।
प्रतिक्रिया