प्रधानमन्त्री ओलीले पाए विश्वासको मत

काठमाडौं । प्रधानमन्त्री केपी ओलीले आज प्रतिनिधिसभाबाट विश्वासको मत प्राप्त गर्न सफल भएका छन् । माओवादी केन्द्रसँगको समिकरण भत्काएर कांग्रेससँग गठबन्धन गर्दै प्रधानमन्त्रीमा नियुक्त भएका ओलीले विश्वासको मत प्राप्त गरेका हुन् ।

विश्वासको मत माथिको प्रस्तावमा मतदान प्रक्रियामा २६३ सांसदले मात्र भाग लिएका थिए । प्रधानमन्त्रीलाई विश्वासको मत दिने प्रस्तावको पक्षमा १८८ मत परेको छ भने बिश्वासको मतको विपक्षमा ७४ मत परेको छ । १ जना सांसद तटस्थ बसेको सभामुख देवराज घिमिरेले बताए ।

ओलीलाई एमाले, नेपाली कांग्रेस, जसपा, जसपा नेपाल, लोसपा, जनमत, नाउपा लगायतका दलले मत दिएका छन् भने माओवादी केन्द्र, एकीकृत समाजवादी, रास्वपा, राप्रपा, राजमो, नेमकिपा लगायतका दलले विश्वासको मतको विपक्षमा मतदान गरे ।