हेटौंडा । बागमती प्रदेश सरकारका एक मन्त्रीको निवासमा आगलागी भएको छ । प्रदेश राजधानी हेटौंडा उपमहानगरपालिका(९ लामसुरेस्थित मन्त्री क्वाटरमा आगलागी भएको हो ।
बागमती प्रदेशका संस्कृति पर्यटन तथा सहकारी मन्त्री बिमल ठकुरीको क्वाटरको माथिल्लो तलाको सभाहलमा बिजुलीको तार सट भई अचानक आगलागी भएको मकवानपुरका प्रहरी नायव उपरीक्षक लक्ष्मी भण्डारीले जानकारी दिए ।
अहिले आगलागी पूर्णरुपमा नियन्त्रणमा आएको छ । दमकल र प्रहरीको टोलीले आगलागी पूर्ण रूपमा नियन्त्रणमा लिएको भण्डारीले बताए ।
आगलागीबाट इन्भर्टर ब्याट्री ४ थान, ब्याट्री पावर सप्लाई १ थान, वाइफाई राउटर १ थान, कार्पेट( गलैचा १ थान, जिप्सन १०र५ को क्षति भएको छ ।
प्रतिक्रिया