नुवाकोट । छहरे-टोखा सडक खण्डको अदुवाबारी मोडमा माइक्रोबस दुर्घटनामा परेको छ ।
काठमाडौंबाट नुवाकोट हुदैँ पोखरा जान लागेको ग १ ख ४५३५ नम्बरको माइक्रोबस दुर्घटनामा परेको हो ।
दुर्घटनामा २ जना गम्भीर घाइतेसहित १२ जना घाइतेलाई उपचारको लागि ग्रिनसिटी अस्पताल ल्याइएको छ ।
सोमबार दिउँसो नुवाकोटको शिवपुरी गाउँपालिका-७ चापाबोटस्थित सडकबाट अन्दाजी ३० मिटर तल खसेको जिल्ला प्रहरी कार्यालय नुवाकोटले जनाएको छ ।
नागढुंगा नौबिसे खण्डको झ्याप्ले खोलामा पहिरो गएर सडक अवरुद्ध भएपछि पोखरा जान माइक्रोबसले नुवाकोटको वैकल्पिक सडक प्रयोग गरेको थियो ।
प्रतिक्रिया