संगितकार सन्तोष केसी नयाँ गीत “पियारु” सार्वजनिक

खबर कुरा
१० भाद्र २०७७, बुधबार

बुटवल । गायक तथा संगितकार सन्तोष केसी नयाँ गीत “पियारु” सार्वजनिक भएको छ ।

नेपाली लोकदोहोरी “नाका थुनेको” बाट नेपाली कला क्षेत्रमा होमिएका सन्तोष केसीले सार्वजनिक गरेको “पियारु” गीतमा सन्तोष केसी र कमला पोखरेलको स्वर रहेको छ ।

गीतमा सुरज गैह्रेको शब्द रहेको छ । त्यस्तै, गीतमा संगीत र थेगो सन्तोषकै रहेको छ । चोखो माया प्रेममा रहेको एक प्रेमिल जोडिको कथालाई गीतमा प्रस्तुत गरिएको छ ।

भिडियोमा नायिका अनु शाह र मोडल रमेश केसी फिचर्ड छन् । अनु र रमेशको केमिस्ट्री भिडियोमा गजब देखिएको छ । उनीहरूको अभिनय जीवन्त छ । भिडियोलाई कपिल लामाले निर्देशन गरेका छन् ।

अजय रेग्मीले आकर्षक फ्रेममा भिडियो खिचेका छन् । त्यस्तै, भिडियोको सम्पादन शिव पौडेलले गरेका हुन् भने रंग संयोजन अमृत चापागाईंले गरेका छन् । गीतको भिडियो सन्तोष केसीकै अफिसियल युटुब च्यानलबाट रिलिज गरिएको छ ।

गुल्मी मालिका गाउँपालिका वडा नं. ६ अर्जै कुतलडाँडामा जन्मिएका सन्तोष रेडियो नेपालमा स्वर पास भए संगै कला क्षेत्रमा आएका हुन । लोकदाहोरी संगै सुगम संगितमा जमेका सन्तोषका तम्घास माथि रेसुङगाको बन, रेसुङगाको भिरमा टुनि छ, निरमाया, तीज गित भट्टीकी साहुँनी जस्ता दर्जन बढि लोकप्रिय गीतहरु छन् ।

यसमा तपाइको मत

Your email address will not be published. Required fields are marked *


*