बुटवल । बुटवल स्थित कोरोना बिशेष अस्पतालमा कपिलवस्तुका १ जना संक्रमितको मृत्यु भएको २४ घण्टा नबित्दै अर्का संक्रमितको मृत्यु भएको छ ।
लुम्बिनी प्रादेशिक अस्पतालले जनाए अनुसार रुपन्देही तिलोत्तमा जानकीनगरकी ७० बर्षिया महिलाको कोरोना बिशेष अस्पतालमा उपचारका क्रममा मृत्यु भएको हो ।
थाईराइड र हाई ब्लड प्रेसरको समेत बिरामी रहेका संत्रमितको बिहिबार बिहान १०ः३० बजे मृत्यु भएको लुम्बिनी प्रादेशिक अस्पतालका प्रवक्ता डाक्टर बिष्णु गौतमले बताए ।
साउन २६ मा संक्रमण पुष्टि भएकी उनको सुरुमा घरमा आइसोलेशनमै बसेर उपचार भएपनि स्वास्थ्यमा समस्या आएपछि थप उपचारका लागि साउन ३१ गते धागो कारखानास्थित कोरोना अस्पतालमा भर्ना गरिएको थियो।
कोरोना बिशेष अस्पतालको पहिलो प्रयाृगकारुपमा उनलाई प्लाज्मा थेरापीको माध्यमबाट चिकित्सकहरुले उपचार थालेका थिए । पहिलो पटक प्लाज्मा दिएर बुधबारसम्म सुधार भइरहेकोमा रातीदेखि स्वास्थ्य अवस्था बिग्रेको थियो। उनलाई बिहीबार थप प्लाज्मा दिने तयारी भईरहेको अवस्थामा उनको मृत्यु भएको डा. गौतमले बताए ।
उनलाई ४ दिनअघिदेखि भेन्टिलेटरमा राखेर उपचार जारी थियो।
तिलोत्तमामा कोरोना संक्रमणबाट भएको यो पहिलो मृत्यु हो भने रुपन्देहीमा मृत्यु हुनेको संख्या ७ पुगेको छ ।
प्रतिक्रिया