बुटवल । रुपन्देहीमा बिहिबार संक्रमण पुष्टि हुनेको संख्या ५३ जना पुगेको छ । पछिल्लो २४ घण्टाको बिवरण दिंदै स्वास्थ्य कार्यालय रुपन्देहीले २२ महिला र ३१ पुरुषमा संक्रमण पुष्टि भएको जनाएको छ ।
बिहिबार पुष्टि भएका संक्रमितहरुमा बुटवल उपमहानगरका २५ जना, तिलोत्तमा नगरपालिकाका १७ जना, सिद्धार्थनगर नगरपालिकाका ४ जना, देवदह नगरपालिकाका ५ जना तथा ओमसतिया र रोहिणीका १।१ जनामा संक्रमण पुष्टि भएको छ ।
रुपन्देहीमा ८१३ जनामा संक्रमण पुष्टि भएको छ भने ४५५ जना कोरोना मक्त भएर घर फर्केका छन् । जिल्लामा ७ जनाको कोरोनाबाट मृत्यु भएको छ ।
यता बुटवल उपमहानगरपालिकाले भने ३८ जना नयाँ संक्रमित थपिएको जनाएको छ । बुटवल उपमहानगरको स्वास्थ्य शाखा प्रमुख कुन्दन कुमार सिंहले बुटवलमा बिहिबार २८ जना पुरुष र १० जना महिलामा कोरोना पुष्टि भएको जानकारी दिएका छन् ।
सिंहले दिएका जानकारी अनुसार सबै भन्दा बढी वार्ड नम्बर ३ मा १७ जनामा संक्रमण पुष्टि भएको छ भने वडा नम्बर ११ मा ११ जना संक्रमित थपिएका छन् । त्यसैगरि वार्ड नम्बर ६ मा ३ जना, वार्ड नम्बर १२ मा २ जना र वार्ड नम्बर १ मा १ जना नयां संक्रमित थपिएका छन् । ४ जनाको वार्ड र ठेगाना नखुलेको स्वास्थ्य शाखा प्रमुख सिंहले बताए ।
प्रतिक्रिया