अखिल क्रान्तिकारीमा विजय र हेमन्तबीच कडा टक्कर, मतगणना जारी

काठमाडौं । नेकपा (माओवादी केन्द्र)को विद्यार्थी सङ्गठन अनेरास्ववियु (क्रान्तिकारी)को नेतृत्व चयनका लागि भएको निर्वाचनको मतपरिणाम आउनेक्रम जारी छ ।

गत असोजमा सुरु २३ औं राष्ट्रिय सम्मेलनबाट हुन नसकेको नेतृत्व चयनका लागि हिजो शनिबार मतदान भएको थियो ।

हालसम्म आएको मतपरिणामअनुसार अध्यक्ष पदमा विजयप्रकाश सापकोटा र हेमन्त राईबीच कडा टक्कर देखिएको छ । निर्वाचन समितिले दिएको अनुसार अहिलेसम्म सापकोटाले ४५३ मत प्राप्त गरेका छन् । उनका निकटतम प्रतिस्पर्धी राईले ४३० मत पाएका छन् ।

अहिलेसम्म कोशी, मधेश, बागमती, गण्डकी, लुम्बिनी, कर्णाली र सुदुरपश्चिमको मतगणना सम्पन्न भैसकेको छ । अब बाँकी उपत्यका विशेष प्रदेश र विश्वविद्यालय विशेष प्रदेशको मत गणना हुन मात्र बाँकी छ ।