कोहलपुर । बाँकेको कोहलपुरमा विद्युतको हाइटेन्सन लाईनबाट करेन्ट लागेर एकजना बालकको मृत्यु भएको छ । घाँस काट्नका लागि जङ्गलमा गएका एक बालकको विद्युतको हाइटेन्सन लाईनबाट करेन्ट लागरे मृत्यु भएको हो ।
मृत्यु हुनेमा कोहलपुर नगरपालिका वडा नम्बर १२ का १४ वर्षीय बालक सन्दीप अर्याल रहेका छन् । अर्यालको घाँस काट्ने क्रममा विद्युतको हाइटेन्सन लाईनबाट करेन्ट लागेर मृत्यु भएको कोहलपुर प्रहरीले जनाएको छ।
कोहलपुर नगरपालिका वडा नम्बर १२ स्थित रक्षा मध्यवर्ती सामुदायिक वनमा घाँस काट्ने क्रममा कुसुमको रुखमा चढेका सन्दीपलाई विद्युतको हाइटेन्सन लाईनमा छुन पुग्दा करेन्ट लागेको इलाका प्रहरी कार्यालय कोहलपुरका प्रमुख प्रहरी नायव उपरीक्षक धर्मराज भण्डारीले जानकारी दिए ।
उनका अनुसार रुखमा करेन्ट लागेर भुइँमा लडी घाइते भएका सन्दीपलाई उपचारका लागि नेपालगन्ज मेडिकल कलेज शिक्षण अस्पताल कोहलपुरमा लगिएकोमा उपचारका क्रममा डाक्टरले सन्दीपलाई मृत घोषणा गरेका थिए ।
प्रतिक्रिया