काठमाडौं । कोरोना भाइरसको सक्रमणको रफ्तार नेपालमा दिनदिनै बढिरहेको छ । दैनिक औषतमा १० हजार पीसीआर परीक्षण भैरहेको छ ।
तर, समुदायस्तरमा फैलिएको कोरोनाको फैलावटलाई नियन्त्रण गर्न नसक्दा भाइरसको आक्रमण झन बलियो बनेको छ ।
व्यापक रुपमा गर्नुपर्ने कन्ट्याक्ट ट्रेसिङको काम हुन नसक्दा कोरोना संक्रमण समुदायस्तरमै प्रवेश गरिसकेको छ ।
पछिल्लो २४ घण्टामा नेपालमा कोरोना भाइरसका ८८४ जना नयाँ संक्रमित थपिएका छन् ।
शनिबार ८८४ जना संक्रमित थपिएको स्वास्थ्य तथा जनसंख्या मन्त्रालयले आयोजना गर्ने नियमित कोरोना ब्रिफिङमा जानकारी दिइएको छ ।
मन्त्रालयका प्रवक्ता प्राडा जागेश्वर गौतमका अनुसार शनिबार थपिएका संक्रमितमध्ये २४२ महिला र ६४२ पुरुष रहेका छन् ।
काठमाडौं उपत्यकामा १८६ जना संक्रमित थपिएका छन् । धेरै दिनपछि यो निकै कम संख्या हो । काठमाडौंमा १५५, ललितपुरमा १९ र भक्तपुरमा १२ जना संक्रमित थपिएका छ ।
देशभर सक्रिय संक्रमितको संख्या १६ हजार ५७८ जना रहेका छन् । जसमध्ये १० हजार १४५ जना सक्रिय संक्रमित संस्थागत आइसोलेसनमा रहेका छन् । होम आइसोलेसनमा ६ हजार ४४५ रहेका छन् ।
प्रतिक्रिया