बुटवल । प्रेस चौतारी नेपाल, रुपन्देहीको २६ औँ साधारण सभा तथा ८ औँ अधिवेशन नयाँ नेतृत्व चयन गर्दै सम्पन्न भएको छ । सोमबार बुटवलमा भएको साधारणसभा तथा अधिवेशनले भगवती पाण्डेको अध्यक्षतामा २३ सदस्यीय नयाँ कार्यसमिति सर्वसम्मत निर्वाचित गरेको हो ।
अध्यक्षमा निर्वाचित पाण्डेले सङ्गठनमा यसअघि उपाध्यक्षको जिम्मेवारी सम्हाल्दै आएकी थिइन् । त्यस्तै अधिवेशनले रुपन्देही जिल्ला उपाध्यक्षमा केशव भण्डारी, महिला उपाध्यक्षमा वसन्ती आचार्य (छायाँ), सचिवमा विष्णु घिमिरे, खुल्ला सह-सचिवमा प्रतीक पौडेल, समावेशी सह-सचिवमा सत्यनारायण मानन्धर तथा कोषाध्यक्षमा एलिना आचार्यलाई चयन गरेको छ ।
त्यस्तै गरी नयाँ कार्यसमितिका सदस्यहरूमा प्रतिमा गौतम, रमेश पराजुली, दिनेश घिमिरे, सुशीला पोखरेल, अस्मिता अधिकारी, पोषकान्त पोखरेल, दिनेश लोध, जयप्रकाश राय, रोहित ढकाल, महेश घिमिरे (केदार), प्रेरणा केसी, इन्द्रबहादुर खत्री, विष्णु भट्टराई, भुवन आचार्य, हरिलाल बस्याल तथा शिशिर पाण्डे रहेका छन् ।
प्रतिक्रिया