बैङ्कक। प्रधानमन्त्री केपी शर्मा ओली र भारतका प्रधानमन्त्री नरेन्द्र मोदीबीच थाइल्याण्डको बैङ्ककमा भेटवार्ता भएको छ । प्रधानमन्त्रीमा नियुक्त भएपछि भारत भ्रमणको निम्तो नआएको चर्चा चलिरहँदा उनीहरुबीच मुलुक बाहिर भने भेटवार्ता हुने गरेको छ ।
ओली र मोदीबीच यसअघि अमेरिकाको न्युयोर्कमा राष्ट्रसंघ महासभा क्रममा साइडलाइन भेट भएको थियो भने अहिले बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक)को छैटौँ शिखर सम्मेलन सकिए लगत्तै उनीहरुबीच दोस्रो भेटवार्ता भएको हो ।
देश बाहिर साइडलाईन भेटवार्ता भइरहेपनि उनीहरुबीच नेपाल वा भारतमा भने औपचारिक भेटवार्ता हुन सकेको छैन । दुवै पक्षका परराष्ट्रमन्त्री आरजु राणा र एस जयशंकरसहितको टोली पनि वार्तामा सहभागी भएका छन् ।
प्रतिक्रिया