२४ लाख ५० हजार घुस रकमसहित भक्तपुरका प्रमुख मालपोत अधिकृत कुमार आचार्यसहित ३ जना अख्तियारको फन्दामा

काठमाडौं । भूमिसुधार तथा मालपोत कार्यालय भक्तपुरका प्रमुख मालपोत अधिकृत कुमार आचार्यलाई घुस रकमसहित अख्तियारको टोलिले पक्राउ गरेको छ ।

उनलाई मंगलबार २४ लाख ५० हजार रुपैयाँ घुसहित अख्तियार दुरुपयोग अनुसन्धान आयोगको टोलिले पक्राउ गरेको हो।

भक्तपुरको चाँगुनारायण नगरपालिकामा रहेको १४ रोपनी ४ आना जग्गाको धनी प्रमाण पुर्जा बनाउने प्रयोजनका लागि उनले घुस माग गरेको अख्तियारले जनाएको छ ।

भूमिसुधार तथा मालपोत कार्यालय भक्तपुरको परिसरबाट प्रमुख आचार्यको साथबाट मोवाइल डिभाइस २ थान र भूमिसुधार शाखाका नायब सुब्बा दिपक प्रसाद अधिकारीको साथबाट मोबाइल थान(१ तथा कार्यालय सहयोगी टिकाराम राउतको साथबाट मोवाइल थान(१ सहित घुसररिसवत रकम रु २४ लाख ५० हजारसमेत नियन्त्रणमा लिइएको अख्तियारले प्रकाशन गरेको विज्ञप्तिमा उल्लेख छ ।