सिन्धुपाल्चोक । प्राकृतिक विपत्तीले थिलोथिलो पार्दैआएको सिन्धुपाल्चोकमा फेरि अर्को भयानक प्राकृतिक विपत्ति थपिएको छ । सिन्धुपाल्चोक जिल्लामा एउटा पहिरोको पिडाको आँसु नपुछिंदै अर्को पहिरोको पीडा थपिएको छ ।
जिल्लाको बाह्रविसे नगरपालिका वडा नं ७ घुम्थाङको नागपुजेमा गएराती खसेको पहिरोले कम्तिमा ८ घर र भीरखर्कमा कम्तिमा १० घर पुरिएका छन । पहिरोले २५ जना बेपत्ता भएको खबर आएको बाह्रविसे नगरपालिकाका प्रमुख निमफुन्जे शेर्पाले बताए ।
पहिरो खसेर पुरिएका घरका सबै मानिस बेपत्ता रहेको बताईएको छ।गएराति परेको पानीका कारण ठाडो खोलाले वस्तीमा क्षति पुर्याएको हो ।
सिन्धुपाल्चोकका प्रमुख जिल्ला अधिकारी उमेशकुमार ढकालका अनुसार पहिरोले धेरै स्थानमा क्षति पु-याएको छ । नागपुरेमा ९ घर पुरिएको र डाँडगाँउ, भिरखर्क लगायतका स्थानमा पहिरो खसेको र हाल सम्म क्षतिको बिवरण आईनसकेको प्रमुख जिल्ला अधिकारी ढकालले बताए ।
आपतकालिन उद्दारका लागि हेलिकप्टर मगाईएको जानकारी दिंदै उनले प्रहरी घटनास्थल जाँदै गरेको र प्रहरी पुगेपछि मात्र क्षतिको बिवरण आउने बताए ।
जल तथा मौसम विज्ञान विभागको बाढी सूचना केन्द्रका अनुसार सिन्धुपाल्चोकका गुमथाङ, बाह्रविसे र आसपासका क्षेत्रमा ६ घण्टायता ठूलो वर्षा भएको थियो ।
जिल्ला प्रहरी कार्यालयका प्रहरी प्रमुख एसपी राजन अधिकारीको नेतृत्वमा नेपाली सेना सहितको टोलि परिचालन गरिएको प्रजिअ ढकालले बताए ।
प्रतिक्रिया