काठमाडौं । छिमेकी मित्रराष्ट्र भारत सरकारले नेपालका पाँच जिल्लाका लागि टेन्ट तथा त्रिपाल लगायतका राहत सामाग्री सहयोग गरेको छ ।
भारतीय राजदूताबासका नियोग उपप्रमुख नामग्य सीखम्पाले आइतबार नेपाल–भारत महिला मैत्री समाजका अध्यक्ष चन्दा चौधरीलाई ती सामग्री हस्तान्तरण गरेकी छिन् ।
भारतद्वारा सहयोग गरिएका उक्त राहत सामग्री पाँच जिल्लाका बाढी तथा पहिरोबाट प्रभावित प्रभावित परिवारलाई वितरण गरिनेछ ।
स्थानीय सरकारसँग समन्वय गरी कैलाली, महोत्तरी, नवलपरासी, सर्लाही र सिन्धुपाल्चोक जिल्लाका बाढी तथा पहिरोपीडितलाई नेपाल–भारत महिला मैत्री समाजले यी सामाग्री वितरण गर्नेछ ।
प्रदेश नम्बर २, ३, ५ र ७ का यी पाँच जिल्लामा यसपटक बाढी पहिरोले निकै क्षति पुर्याएको छ ।
भारत सरकारको नियमित मानवीय सहयोग तथा आपतकालीन राहत सहायता अन्तर्गत यो राहत सामग्री नेपाललाई वितरण गरिएको हो ।
प्रतिक्रिया