काठमाडौं । नेकपा (माओवादी केन्द्र)को पदाधिकारी बैठक बिहीबार बिहान ११ बजे पार्टी केन्द्रीय कार्यालय पेरिसडाँडामा बस्दैछ ।
बैठकमा यसअघि सम्पन्न स्थायी कमिटी बैठकमा भएको छलफलका आधारमा निर्णय गरिने प्रवक्ता अग्निप्रसाद सापकोटाले जानकारी दिएका छन् । उनका अनुसार आगामी भदौ २१ गतेदेखि सुरु हुने मध्यपहाडी लोकमार्ग जागरण अभियानसम्बन्धी बाँकी विषयमा टुंगो लगाइनेछ ।
यस्तै, हालै एकतामा आएका दलका नेता-कार्यकर्ताको कार्यविभाजनबारे पनि बैठकले निर्णय गर्नेछ । गत जेठमा माओवादी केन्द्र र नेपाल समाजवादी पार्टी (गंगानारायण श्रेष्ठ समूह)बीच पार्टी एकता भएको थियो ।
बैठकमा पार्टीभित्र देखिएका अन्तरविरोध तथा समाधानका विषयमा समेत छलफल हुने बताइएको छ । यसअघि स्थायी कमिटी बैठकले नेत्रविक्रम चन्द ‘विप्लव’ नेतृत्वको नेकपासँग पार्टी एकता गर्ने निर्णय गरिसकेको छ ।
प्रतिक्रिया