सभामुख सापकोटा र पाकिस्तानी राजदूत जाबेदबीच शिष्टाचार भेट

खबर कुरा
३० भाद्र २०७७, मंगलवार

काठमाडौं । नेपालका लागि पाकिस्तानी राजदूत डा. मजहर जाबेदले संघीय संसदका सभामुख अग्निप्रसाद सापकोटासँग विदाई भेट गरेका छन् ।

आफ्नो कार्यकाल पुरा गरी स्वदेश फर्किन लागेका राजदूत जाबेदले सभामुखको कार्यकक्षमै गएर सभामुख सापकोटासँग शिष्टाचार भेट गरेका हुन्।

भेटमा दुईपक्षीय सम्बन्ध, सहकार्य र सहयोगका विषयमा कुराकानी भएको थियो ।

भेटमा सभामुख सापकोटाले नेपाल र पाकिस्तानको सम्बन्ध सुमधुर रहेको उल्लेख गर्दै स्वास्थ्य र शिक्षा क्षेत्रमा पाकिस्तानले गर्दै आएको सहयोगका लागि धन्यवाद ज्ञापन गरे ।

त्यसक्रममा राजदूत जावेदले दुई देशको सम्बन्ध सौहार्दपूर्ण रहेको बताउँदै नेपालसँग सहकार्य गर्न पाएकोमा खुसी व्यक्त गरे । दुई देशबीचका संसदको सहकार्य बढाउँदै संसदीय मैत्री समूहमार्फत गतिविधि बढाउनुपर्ने उनले बताए ।

राजदूत जावेदले गृहमन्त्री रामबहादुर थापा बादल, राष्ट्रियसभामा अध्यक्ष गणेशप्रसाद तिमिल्सिना लगायतका व्यक्तित्वसँग पनि विदाई भेट गरिसकेका छन् ।

यसमा तपाइको मत

Your email address will not be published. Required fields are marked *


*