मंगलबार थपिए १ हजार ४५९ जना नयाँ संक्रक्रित, १ हजार ६२ घर फर्किए

काठमाडौं । मंगलबार कोरोना भाइरसका १ हजार ४५९ जना संक्रमित थपिएका छन् ।

संक्रमित थपिएसँगै देशभर कुल संक्रमितको संख्या ५६ हजार ७८८ पुगेको छ ।

१० हजार ३७५ पीसीआर परीक्षण गर्दा मंगलबार १ हजार ४५९ जना संक्रमित थपिएको स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले जानकारी दिए ।

देशभर सक्रिय संक्रमितको संख्या १५ हजार ७७९ रहेको छ । संस्थागत आइसोलेसनमा ८ हजार १३९ जना रहेका छन् । यसैगरी होम आइसोलेसनमा ७ हजार ६४० रहेका छन् ।

यस्तै, देशभर २४ घण्टामा १ हजार ६२ जना घर फर्किएका छन् । हालसम्म ४० हजार ६३८ जना संक्रमित निको भएर घर फर्किएका छन् ।