काठमाडौं । नेपाली कांग्रेसले असोज २६ गते आइतबार दिउँसो १ बजे केन्द्रीय कार्यसमिति बैठक आह्वान गरेको छ । पार्टीका मुख्य सचिव कृष्णप्रसाद पौडेलले मंगलबार एक विज्ञप्ति जारी गर्दै बैठकको जानकारी दिएका हुन् ।
बैठक पार्टीको केन्द्रीय कार्यालय, वीपी स्मृति भवन सानेपामा बस्नेछ । बैठकमा केन्द्रीय कार्यसमितिका पदाधिकारी, सदस्य तथा आमन्त्रित सदस्यहरु सहभागी हुने व्यवस्था मिलाइएको विज्ञप्तिमा उल्लेख गरिएको छ ।
कांग्रेसले हालैको राजनीतिक परिस्थिति र आगामी योजनाबारे बैठकमा छलफल हुने अपेक्षा गरिएको छ ।
जेनजी आन्दोलनको क्रममा सभापति शेरबहादुर देउवामाथि सांघातिक आक्रमण भएको थियो । यसबीचमा पार्टीमा नेतृत्व परिवर्तनको माग गर्दै महामन्त्री गगन थापा विश्वप्रकाश शर्मा, नेता शेखर कोइराला पक्षले विशेष महाधिवेशनको माग गरिरहेको छ ।
प्रतिक्रिया