काठमाडौं। राष्ट्रपति रामचन्द्र पौडेलले प्रधानमन्त्री सुशीला कार्कीसहित राजनीतिक दलका नेताहरूसँग सर्वदलीय बैठक आह्वान गरेका छन् ।
चुनावको कार्यतालिका सार्वजनिक भइसकेको तर सरकार र राजनीतिक दलहरूबीच संवाद नहुँदो अवस्थामा राष्ट्रपतिले आज दिउँसो ४ बजेका लागि बैठक बोलाएका हुन् ।
बैठकमा प्रधानमन्त्री, मन्त्रीहरु, विघटित प्रतिनिधिसभामा प्रतिनिधित्व गर्ने दलका शीर्ष नेताहरूसमेत सहभागी हुने राष्ट्रपति कार्यालयले जनाएको छ । आगामी फागुन २१ गतेका लागि घोषणा गरिएको प्रतिनिधिसभा निर्वाचनबारे सरकार र दलहरूबीच छलफल गर्न बैठक आह्वान गरेको बताइएको छ ।
यसअघि हिजो राष्ट्रपति पौडेल र प्रधानमन्त्री कार्कीबीच भेटवार्ता भएको थियो । भेटमा राष्ट्रपतिले चुनावका लागि अनुकूल राजनीतिक वातावरण तयार गर्न सरकारलाई सुझाव दिएका थिए ।
जेनजी आन्दोलनको जगमा प्रधानमन्त्री बनेकी कार्कीले भने अहिलेसम्म दलहरुसँग सीधा सम्वाद गर्न प्रयत्न गरेकी छैनन् । यद्यपी, प्रधानमन्त्री कार्कीले बुधबार निर्वाचन आयोगका पदाधिकारीहरुसँग चुनावी तयारीबारे छलफल गरेकी थिइन ।
प्रतिक्रिया